Rampa Menua: Kebun sawit aku....
Tu meh pengawa lebuh pulai kemenua. Baru belabuh enggau orang betanam ke sawit, ngambi ke bisi kerja engka deka pencen tumu jemah. Bekeradai meh nitih ke singkang orang ngicha ke enda ga tinggal. Taja pan naka pengelelak ngepun ke pengawa tu, laban ti maioh amat utai digaga. Step by step munyi ko ribai...
Tumu pagi ngambi gambar dulu, sebedau belabuh gawa di kebun sawit aku di Pakan, Julau. Jauh nandang kin ari Machan.
Pengudah ditebas.
Rampa menua ke deka alai aku betanam ke sawit
Bala belabuh nebas, semak 12 iko ga bala ibu, bala petunggal aku ari Lingah datai mantu aku lebuh ti baru belabuh ngepus nebas. Ukai nyamai ga baru ngepun ke utai, maioh amat kereja.
Jalai Kereta nurun semak tebing ai.
Nganti ke nunu
Nyau chapuh diri ga bala lebuh maia ti ngetu tengah hari. Utai semetik sigi wajip, kena muas aus. Belaban ke tunu jani kampung dulu kena belabuh.
Bala kaban enggau aku berangkut ke paong Sawit ti dibeli ari Jalai tubai Buah. Mupuk ngangkut ngena hilux, nyau bisi semak 8 trip kin kitu.
Nyau datai ke lemai baru tembu ngangkut, nadai utai ngelelak nya udah ga tambah ke panas bangat ngeraya nya. Ka pan enda tat ke aja meh.
Tu gaya pengudah nunu, rindu ga meda nyau nadai rumput agi kira ke nyedia kediri deka nyukat jarak pun sawit meh udah tu.
Sebedau mulai kediri kerumah.
Begambar dulu ga, trip kedua ngangkut sawit ke Pakan. Kena nambah ke paong ke terubah.
Enggai tinggal, anak bujang aku begambar ba kebun sawit aku di Machan. Rindu ga iya bemain sebelah tanah enggai enda enggau ke kebun.
No comments:
Post a Comment