Baru sangkai di rumah panjai, nengah jalai kem. Bala kami sebuat ngena transport Kem balak lalu aku empu ngena motosikalari Kem balak nanga Machan. Umbas ya ga jalai, enda ga bangat teruk. Belelak dulu kena muai aus.
Pengawa kami sebuat lemai ari, duduk ba jalai alun ujung bilik nunga Botol Absolute Volka enggau Tsintao sambil nganti bala Chef ke nganjung tabas.
Becerita, bekenang ke pengingat lama lebuh ke diau dimenua. Serta bejurai ke penemu bakani ko ngadu ke rumah di Ulu Latong Tu baru. Ti sema jemah nyau bisi jalai, serta bala bela setuju mulai ke diri ke rumah panjai.
Niri ke Khemah, baka ke picnic nya meh di ruai.
Makai serumpu di ruai enggau semua bala ke bisi di rumah panjai. Rindu ga asai, taja pan bekena ke api pelita enggau lampu picit.
 |
| Jalai ke rumah panjai nengah jalai kem Balak |
Agi ga ulih tengah jalai alun nuju ke rumah panjai, lebih agi ngena motosikal nadai tentu masalah.
Pagi siti bala bela beterebas bebai ke perengka dikena ngadu ke pendam Niang Aya Apai Sida Edward Remang.
Ba rantau jalai lebuh maia ti ngetu belelak sempat ga posing ngambi gambar ke pengingat
Tu bala hero enggau heroin ulu Latong. Cukup pengerindu bebala maioh nurun ke kampung. Pengelelak nadai entu diasai. Tenang amat diau di Ulu Latong.
Gaya pendam aya ti udah lama, serta bisi kena laban punggu. Nya ti deka di repair baru.
Chef ngidup ke api kena betunu ke manuk ke dibai ke pendam.
Mupuk besanggit ke atap nganti ke lama serta rangkal ke repuk tukar enggau ke baru.
Kerjasama semua bala ngasuh pengawa nyadi lempung enggau jampat.
Kami sebuat @ sepetunggal. 4 Ari Kiba bala anak menyadi Indai aku Stanley Beti, Alfred Chuat, Ambrose Tingai enggau Edward Remang. Serta akih ke enda bebaju bercermin mata nya aku empu, Stanley Methew Dana A.K.A Anembiak Latong Rebak Baru.
Nya meh cerita kami sebuat ke Ulu Latong kena 19 March 2014 Tu empai lama.
No comments:
Post a Comment