Ninjau Rampa Menua

Rampa Menua Latong..... Pupu gambar ti diambi lebuh maia ti rembus, lelengau ga asai ati ngemati serta ngingat kediri kelia ke semampai bekulu kili nengah sungai tu. Piak mega dirumah panjai, kelia Chapuh aja bala diri serumah tang diatu..nyau asai kediau ditemawai...asai kediaudilangkau umai...

 Tu gaya rumah panjai di Ulu Latong. Nyau ka bisi semak 15 taun udah nadai endur diau, laban bala diri serumah nyau bela sama kenegeri begiga ke anak belanja. Bisi ga meli tanah serta ngaga rumah di Ng Machan, laban ti ngulih ke semak pasar, semak sekula serta semak enggau sepital.

 Tu meh tunggul pengingat ke udah ditinggal ke bala kami anembiak serebak nyau semak 20 taun. Tunggul wajib ti meruan kebuah kenang, alai terejun, alai bemain. Enti ulih sigi besari-sari meh diau di ai... Nyauh rauh-rauh niang Ine kami kelia ngangau ke aku ngasuh pulai, sampai bebai ke takang Cangkuk kena nedat burit laban enggau amat pulai bemain di pendai.

 Gaya kerangan dimenua kami.

 Tu meh gaya ruai rumah panjai kami. Rumah panjai ari mua kulu bisi 10 pintu serta mua kili bisi 7 pintu lalu semua sekali bisi 17 pintu..

 Mudik ai latong. Benasib ga lebuh maia ai ti Chiru, ulih ga nyelam ikan. Tang meh mudik ai sigi tau ngadang diri besual, bebatak ke perau laban ai endang sigi langkang.

 "Muara Sungai" munyi ko laut... patik latong... ke kiri mudik nya jalai ke ulu Machan serta ke kanan nya ke ulu Latong....

 Mudik ai Machan... Tuga nyau ayan nya nanda ke ai langkang...

 Tu meh gaya bala ke nurun ngasu, nurun nimbak. Diatu kira nyamai, kira nyau moden agi... Ke kampung nepan motosikal.... derut kulu kili... Ulu Latong nyau enda jauh...semak aja...Laban ti ulih undang nengah jalai alun (Jalai lori kayu)

 Gaya jalai batang di Jambatan Sebiru, Latong

 Ketegal utai ti bakatu meh ti ngeruh ke menua latong....

 Bulih ikan palau.... di ulu Latong....

Mudik ai latong.... Mupuk nyala dulu...nganti ari ke malam endur bejalai nimbak...
Sigi amat-amat nyabung ati rindu bejalai nimbak, nadai ngira pengelelak asal meh ati puas. Tang ke udah nadai ga bangat mai pengelebu pulai... Nadai-nadai pan bisi meh mai munsang pulai...